تغطي يابنت هذا سعودي

[نصرآويه !]

انا صراحه ضد هالشي اللي يقول هذا سعودي ولا مو سعودي خيييير المهم كلهم رجااال ..
بالنسبه لي اللي يقول كذا اعتبه في نظري جاهل ومتخلف بعد ..
هذي مجرد وجهة نظر واتمنى من الك يعطينا رايهه ..
:)

لاتحرمينا من جديدك ..

[(*(*نصراويه دلع)*)*]

السلام عليكم ورحمة الله وبركاته

قرأت هذا الموضوع في أحد المنتديات وحبيت أنقله لكم

أحبتي هنا
مشاهد وعبر تعتبر مع كلا الجنسين
يابنت تغطي قدامك سعودي
عاده العين أصدق من الأذن وهناك العديد من المشاهد التي تلفت الإنتباه
خاصه حينما تسمع مقولة
تغطي يابنت هذا سعودي
لماذا...؟ لماذا...؟
الموضوع صريح ويتحدث عن واقع نعايشه
بعض من هذه المشاهد

المشهد الأول
فتاه تتحدث مع أحد العمال الأجانب وتسولف معه تآخذ راحتها معه ويدخل سعودي
أكيد راح تتغطى كأنها ماكانت تكلم رجال زيه زي اللي دخل

تغطي يابنت هذا سعودي

المشهد الثاني
امرأه تخرج للسواق و العامل في المنزل بملابس عاديه لاعبايه ولاهم يحزنون بحجة إنه أجنبي عادي تكلمه
ولو دق الباب سعودي

تغطي يابنت سعودي

المشهد الثالث
بنت تطلب عشاء من أحد المطاعم وطبعا يجيها عامل توصيل الطلبات(أجنبي) تخرج وتستقبل وتآخذ منه الطلب مع الشكر والتقدير
ولو كان سعودي
تغطي يابنت سعودي

المشهد الرابع
مجموعه من الفتيات في أحد المجمعات أو في أي مكان يتسائلون عن شئ صادفوا شخص لابس جينز وقميص لو سمحت يرد سمي
أوووه آآآسفين

وتغطي يابنت هذا سعودي>>طلع سعوودي

وغيرها من المشاهد كثير طبعا كل المشاهد بمباركة الأب والأخوان وشيء طبيعي لو شاهد أبنته أو أخته تتحدث مع أجنبي لكن لو تحدثت مع سعودي
قد يكون هذا التصرف عن جهل أو عن غباء......ألخ
من الممكن أن تكون هذه الفتاه على خلق ومحترمه لكن لم تجد من يوجهها
أيضا لو خرجت البنت مع سائق (أجنبي)
لوحدها ليس هناك أي مشكله عند الأب والأخوان مع أنها خلوه والخلوه محرمه
أما لو خرجت مع سائق سعودي لوحدها !!!!!!!!!!!!!!!!!!!!!!!!!!!!!!
راح تكون كارثه ومصيبه!!!!


وفي الأخير أنا ماأقول أن هذه المشاهد تحصل في مجتمعنا السعودي كله لكنها تحصل في أغلبه

نصيحه لكي أختي الغاليه...
الفتاه التي تخاف من ربها أولا وأخيرا وتخاف على نفسها ماتقول هذا أجنبي عادي ماراح يشوفني بعد اليوم وهذا سعودي عيب عاداتنا ماتسمحلنا..
لاياأختي كلهم رجال سواء سعودي او اجنبي ..

وشكرا..

لا تحرموني من ردودكم ورأيكم بالموضوع..
تحيااتي لكم

[دنياك دنياي]

مشكووره أختي على موضووعك الرائع..
أنا صرريحه حيل ...
عندي أكشف وجهي لسعوودي ولا أكشف وجهي لهندي أوغيره ...
أستفسر عن شي أريده بـ مجمع وأسأل سعوودي ..أحسن مني أستفسر من عاامل ..


^_^

مشكووره أختي مره ثاانيه على موضووعك.
يعطيك العافيه..








دنيااك..

[العالــ9ــمية]

انا هذي الحركة اكرها ////////ماادري وش نسمي اللي تسوي كذا//

انا ابي اعرف انتي تمتثلين لامر العباد والا لرب العباد؟؟

والا اذا شافت رجال تقول يوه خل اتغطى واذا درت انو موسعودي ايييييييه

هذا هندي عااادي ؟؟ ماادري كن الله قال لاتتغطون الا على السعودي

مادرو ان هذا امر رباني لازم نتغطى سواء سعودي والا غيره
وشكرا ياقمر على الموضوع

[Eimi-11]

والله بصراحه السعوديين عينهم زايغه بزياده

[EIMI]

الكشف عن الوجه مو عيب ..

يعني اذا انتي متحجبه حجاب محتشم ..

وبدون ميك اب وغيره ..

عادي قدام سعودي او هندي ^^

وتبقى وجهة نظر :)

[أنسة النصر الأولى]

هههههههههههههه
تذكرت مشهد مره وحنا عند الأشارة
مر من جنبنا ولد عمي وزوجته كانت كاشفة
نص وجهها تقدمنا والا نشوفها متغطية تقولي كيس اسود
وقتها اخوي انقهر يقول ليه الباقي مو رجال عندها